ანა ტატიშვილი მაკონის 25-ათასიანი ტურნირის მოგების შემდეგ, აშშ-შივე ანალოგიური საპრიზო ფონდის მქონე როკ ჰილის ტურნირში ჩაება და პირველი გამარჯვებაც იზეიმა.

მე-5 ნომრად განთესილმა ქართველმა ჩოგბურთელმა “უაილდ ქარდით” მიწვეულ ამერიკელ ალექსანდრა მუელერს იოლად – 6:1, 6:1 სძლია, მერვედფინალში კი ვენესუელელ ადრიანა პერესს ეთამაშება. ამ უკანასკნელმა გზიდან ბულგარელი ელიცა კოსტოვა ჩამოიცილა – 6:0, 6:4.