დავით თარგამაძემ “ილიჩივეცის” დუბლებში ითამაშა და გოლიც გაიტანა. მან დონეცკის “მეტალურგთან” სტუმრად მოგებულ შეხვედრაში (2:1) მე-60 წუთზე შეაგდო და თავისიანები ორი ბურთით დააწინაურა. სხვათა შორის, “ილიჩივეცის” სარეზერვო გუნდი უკრაინის დუბლების ჩემპიონატში პირველ ადგილზეა.

“სევასტოპოლის” დუბლებში ითამაშა გუნდის ახალწვეულმა დავით დარციმელიამ. 18 წლის ქართველი ფორვარდი “დნიპროს” დუბლებთან 0:4 წაგებულ შეხვედრაში შეუცვლელად გაისარჯა. 

რუმინეთში გიორგი ჭანტურიას “კლუჟმა” კვლავ ფრედ ითამაშა – გასვლაზე ბრაშოვის “კორონასთან” 2:2. ჭანტურია სათადარიგო გახლდათ და მინდორზე არ შეუყვანიათ. კლუჟელები 2:0-ს იგებდნენ, თუმცა ბოლოს ქულასღა გამორჩნენ. ჭანტურიას გუნდი კვლავაც მეშვიდე ადგილზეა.