ურუგვაის ეროვნული ნაკრებისა და “ლივერპულის” ტრავმირებული ფორვარდი ლუის სუარესი აღდგენითი კურსის მეორე ეტაპზე გადავიდა. ურუგვაელთა სამედიცინო შტაბის განცხადებით, მერსისაიდელთა მეგოლეს მსოფლიოს ჩემპიონატზე თამაშის შანსი აქვს.

“ბევრს ვერაფერს გეტყვით. სუარესი გაწერილი პროგრამით მუშაობს. ლუისს საკმარისი ფსიქოლოგიური და ფიზიკური მონაცემები აქვს იმისთვის, რომ ფორმა სწრაფად დაიბრუნოს, მაგრამ ახლა მხოლოდ იმის თქმა შემიძლია, რომ პროგრესი აშკარაა. სამედიცინო კუთხით, სუარესის მუნდიალზე თამაში გამორიცხული არაა”, - განაცხადა ურუგვაელთა ექიმმა ალბერტო პანმა.

შეგახსენებთ, რომ 22 მაისს, სუარესმა მენისკის ოპერაცია გაიკეთა.