ინგლისის “ლივერპულის” კაპიტანი სტივენ ჯერარდი დარწმუნებულია, რომ ურუგვაელი თავდამსხმელი ლუის სუარესი სხვა ინგლისურ კლუბში არ გადავა და შესაბამისად, მომავალ სეზონში მისი უშუალო მეტოქე არ იქნება.

26 წლის ფეხბურთელის შეძენა ლონდონის “არსენალს” სურდა და გავრცელებული ინფორმაციით მერსისაიდელებს 42 მილიონ გირვანქას სთავაზობდა, თუმცა, მოცემული მომენტისთვის შეთანხმება არ შემდგარა.

“თუ შემიძლია მის გადაწყვეტილებაზე გავლენა ვიქონიო, ვეცდები დარჩენაში დავარწმუნო, რადგან ეს მნიშვნელოვანია “ლივერპულისთვის”. აუცილებელია წამყვანი ფეხბურთელების შენარჩუნება. მიუხედავად ყველაფრისა, დარწმუნებული ვარ, რომ ის სხვა ინგლისურ კლუბში არ გადავა” - განაცხადა ჯერარდმა.

რა ბედი ეწევა სუარესს, ჯერჯერობით უცნობია. ამ ეტაპზე გუნდის მთავარმა მწვრთნელმა ბრენდან როჯერსმა ის პირველ გუნდს ჩამოაშორა.