“ლივერპულის” ფორვარდი დანიელ სტარიჯი მზადაა, რომ ინგლისის ეროვნული ნაკრების მაისურით მოედანზე გავიდეს.

გავრცელებული ინფორმაციით, 24 წლის ფეხბურთელს ბარძაყის კუნთი ჰქონდა დაზიანებული და ამის გამო ნაკრებს მსოფლიოს ჩემპიონატის შესარჩევ მატჩებში მოლდოვასა და უკრაინის ნაკრებების წინააღმდეგ ვერ უნდა დახმარებოდა, თუმცა, ტრავმა სერიოზული არ აღმოჩნდა.

ნაკრების ექიმების დასკვნით, პირველ თამაშამდე, ანუ 6 სექტემბრამდე, სტარიჯი დაზიანების სრულად მოშუშებას მოასწრებს. განიხილება ვარიანტი, რომლის მიხედვითაც დანიელი შესაძლოა მოლდოვასთან დაასვენონ და უკრაინასთან თამაშისთვის შემოინახონ. ინგლისის პრემიერლიგის მიმდინარე გათამაშების განვლილ სამ ტურში, სტარიჯმა სამი გოლი გაიტანა.