შვეიცარიული “ბაზელის” მთავარმა მწვრთნელმა პაულო სოუზამ ჩემპიონთა ლიგის ჯგუფური ეტაპის მატჩამდე პრესკონფერენცია გამართა. "ლივერპულთან" დაპირისპირების წინ პორტუგალიელმა სპეციალისტმა განაცხადა, რომ მის გუნდს ამ თამაშის მოგება შეუძლია.
"ფეხბურთში ყველას ოცნებაა ასეთ ტურნირში მონაწილეობა მიიღოს. მომავალ მატჩში გვინდა კარგი სტატისტიკა გვქონდეს და ნაკლები შეცდომები დავუშვათ. თუ შესაძლებლობა მოგვეცემა, "ლივერპულთან" გამარჯვებასაც მივაღწევთ. მომავალ მატჩში შევეცდებით საუკეთესოდ ვითამაშოდ. როჯერსთან დაპირისპირება სასიამოვნო გამოდგება. იგი დიდებული მწვრთნელი და ადამიანია. ჩემ მსგავსად, იგიც ცდილობს მისმა გუნდმა კარგი ფეხბურთი ითამაშოს," - განაცხადა სოუზამ.
"ბაზელის" და "ლივერპულის" დაპირისპირება დღეს, თბილისის დროით 22:45 საათზე დაიწყება. მატჩს შვედი არბიტრი იონას ერიკსონი განსჯის.
გიორგი ბალახაძე
