საჩხერის "ჩიხურას" მწვრთნელმა სოსო ფრუიძემ განაცხადა, რომ მისი გუნდი ლიხტენშტაინში "ვადუცთან" სხვაგვარად ითამაშებს – უკეთ, ვიდრე მაყურებელმა "მიხეილ მესხზე" იხილა, როცა შეხვედრა 0:0 დასრულდა.
"ვადუცში სხვა გუნდი ვიქნებით. აქ მოსაგებად ჩამოვედით. პირველი მატჩი ჩვენთვის იმიტომაც გამოდგა რთული, რომ პირველი სერიოზული თამაში გვქონდა ზაფხულის მოსამზადებელ პერიოდში. ფაქტობრივად, მოუმზადებლები ვიყავით. დღეს სხვა თამაში იქნება".
"ჩიხურას" ტრავმირებულები - ნიკა კვასხვაძე და ლაშა ჭელიძე დააკლდებიან. მატჩი ვადუცის "რაინპარკზე" (7800 მაყურებელს იტევს) თბილისის დროით 21 საათზე დაიწყება.
