ფეხბურთი

2:51 | 14.05.2013 | ნანახია NaN - ჯერ

„სოსიედადი“ საქმეს ირთულებს

ესპანეთის პრიმერა დივიზიონის 35–ე ტურის მატჩში, „სოსიედადმა“ „გრანადასთან“ მატჩში თითქმის მოპოვებული გამარჯვება უკანასკნელ წუთზე გაანიავა და მხოლოდ ქულას დასჯერდა, რითაც „ვალენსიას“ დაწევის საშუალება მისცა. ახლა, ორივე გუნდს 59–59 ქულა აქვს და მე–4 ადგილს ინაწილებს.

ბასკებმა მეტოქე სან სებასტიანში უმასპინძლეს და მატჩიც საკმაოდ კარგად დაიწყეს – იმანოლ აგირეჩემ თავისი გუნდი დააწინაურა და მნიშვნელოვანი უპირატესობა მოუტანა. „გრანადა“ არ დაბნეულა და სულ მალე, წონასწორობაც აღადგინა. მიუხედავად ამისა, სტუმრებმა შესვენებაზე საყაიმო ანგარიშით გასვლა ვერ შეძლეს, რადგან 45–ე წუთზე, კარლოს ველას ჩაწოდებულ ბურთს აგირეჩემ მკერდით შეუცვალა მიმართულება და თავისი გუნდი კიდევ ერთხელ დააწინაურა.

მატჩის დასკვნით ნაწილში, სტუმრებმა აქტიურად შეუტიეს და მასპინძელთა კართან რამდენიმე სახიფათო მომენტი შექმნეს. საბოლოოდ, ბასკები მსაჯის მიერ კომპენსირებულ დროში გატყდნენ –  „სოსიედადის“ საჯარიმოში მყოფმა რესიომ ხელსაყრელი პოზიციიდან დაჰკრა და თავის გუნდს გამარჯვება მოუტანა.

 

სან სებასტიანი. „ანოეტა“. 22000

სოსიედადი – გრანადა 2:2 (2:1)

სოსიედადი: ბრავო, გონსალესი, დე ლა ბელია (კადამურო 89), ი.მარტინესი, კ.მარტინესი, კასტრო (იფრანი 67), პრიეტო, ბერგარა, გრიზმანი, აგირეჩე, ველა (ესტრადა 80).

მწვრთნელი: ფილიპ მონტანიე

გრანადა: რობერტო, დიაკატე, სიკეირა (ანგულო 46), ნიომი, მაინსი, ბრაიმი, რიკო, რესიო, ტორჟე (არანდა 58), ნოლიტო, ელ–არაბი (ბუენანოტე 73)

მწვრთნელი: ლუკას ალკარასი

გოლები: 1:0 აგირეჩე (9), 1:1 ელ–არაბი (15), 2:1 აგირეჩე (45), რესიო (90)

გაფრთხილებები: გონსალესი (90), გრიზმანი (90) – ელ–არაბი (14), სიკეირა (19), ნოლიტო (70), ბუენანოტე (82)

კარში დარტყმა: 12 (6) – 10 (5) ჯარიმა: 11 - 12 კუთხური: 9 - 4 თამაშგარე: 0 - 1 ბურთის ფლობა: 61% - 39% 


კომენტარები (5)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

21:43 | 24.08.2013
MAXSIMUS-Z1 (7221)

ბასკები წინ!

12:46 | 24.08.2013
a.reversi (9540)

სანმამესი საიდან მოიტანეთ ანოეტაზე თამაშობს ბილბაო სანამ ახალი სტადიონი დამთვარდება

12:35 | 24.08.2013
beka- (31)

თამაში სოსიედადის სატდიონზე "ანოეტაზე" გაიმართა "სან მამესზე" კი არა....

10:54 | 24.08.2013
GOVEN (4940)

jofrey
ოსასუნა არ არის ბასკური გუნდი და ძალით დაეწერათ? )

14:48 | 24.08.2013
kelbo (7279)

ხო მარა ხშირად მაგენსაც ბასკებად თვლიან იმიტო რო ნავარაშიც უმეტესობა ბასკებია

10:21 | 24.08.2013
jofrey (713)

,,ბასკებმა თითო ტაიმში თითო გოლი იკმარეს და დამსახურებული გამარჯვებაც მოიპოვეს" - თქვენი აზრით ოსასუნა კატალონიის ან კასტილიის გუნდია? თუ ოსასუნა ბასკეთის წარმომადგენლად აღარ ითვლება?

10:41 | 24.08.2013
სავაშა__ (6590)

მე როგორც ვიცი ბასკებს მხოლოდ ორი გუნდი ჰყავთ ბილბაო და სოსიედადი...)

14:46 | 24.08.2013
kelbo (7279)

ოსასუნა პამპლონის გუნდია, ბასკეთის მეზობელი ნავარას პროვინციიდან... მართალია ბასკეთი არაა, მარა ძირითადად იქაც ბასკები ცხოვრობენ

0.064439