Sky Sports-ის მიერ გავრცელებული ინფორმაციის თანახმად, “ბარსელონას” ნახევარმცველი სესკ ფაბრეგასი მშობლიური კლუბის დატოვებას აპირებს.
ბოლო დროს გავრცელებული ინფორმაციის თანახმად, ფაბრეგასის ინგლისში დაბრუნებას რამდენიმე გუნდი გეგმავდა. მოგვიანებით ცნობილი გახდა, რომ ალბიონიდან შეთავაზებები არ ყოფილა და სესკი “ბარსაში” რჩება, მაგრამ Sky Sports-ის ჟურნალისტები სხვაგვარად ფიქრობენ.
ივარაუდება, რომ ფაბრეგასი ლუის ენრიკეს სამომავლო გეგმებში არ შედის და “ბარსელონა” მზადაა, სათანადო შეთავაზების არსებობის შემთხვევაში, ფეხბურთელს შეელიოს.
