ბრაზილიის ეროვნული ნაკრების მთავარმა მწვრთნელმა ლუიშ ფელიპე სკოლარიმ ჰონდურასთან ამხანაგური მატჩის შემდეგ ჟურნალისტებს უთხრა, რომ გამანადგურებელი ანგარიშით გამარჯვებას არ ელოდა. თამაში მაიამიში (აშშ) ჩატარდა და ბრაზილიელებმა 5:0 მოიგეს.
“ჰონდურასს ძალიან კარგი ნაკრები ჰყავს და დიდ პატივს ვცემ. ამხელა უპირატესობით მოგებას არ ველოდი. რა თქმა უნდა კმაყოფილი ვარ. ჩვენ მსოფლიოს 2014 წლის ჩემპიონატისთვის მზადებას განვაგრძობთ” – განაცხადა სკოლარიმ.
