ბოლნისის "სიონს" ახალი მთავარი მწვრთნელი ეყოლება: არმაზ ჯელაძემ თანამდებობა დატოვა და გუნდს ფიზმომზადების მწვრთნელი და იური გაბისკირია ავარჯიშებენ. საქმე ისაა, რომ ასისტენტები - გიორგი ლოლაძე და ჯონი ჯაგიდისი A ლიცენზიის კურსებს გადიან. ამავე კურსებს გადის "სიონის" გენერალური დირექტორი ლადო ბურდულიც.
ასე რომ, ვინ იქნება "სიონის" ახალი მწვრთნელი, ჯერ უცნობია. "მსოფლიო სპორტს" ეს ინფორმაცია კლუბის პრესატაშე ჯემალ ჭიპაშვილმა მიაწოდა.
რაც შეეხება შემადგენლობაში მომხდარ ცვლილებებს:
"ლადო ახალაია გუნდთან ერთად არ ვარჯიშობს, რადგან ოჯახური პრობლემები აქვს. ბოლო დღეებში "სიონს" ერთი ფეხბურთელი სეემატა: თენგიზ უგრეხელიძე, რომელიც ადრეც თამაშობდა "სიონში", ბოლოს კი სომხეთის "ულისესში" გამოდიოდა. უახლოეს დღეებში იქნება ბევრი ცვლილება, ჯერ მთავარი მწვრთნელის საკითხიც გასარკვევია", - გვითხრა ჭიპაშვილმა.
