“პარი სენ-ჟერმენის” 29 წლის ცენტრალური მცველი, ტიაგუ სილვა ზაფხულში სავარაუდოდ კლუბს დატოვებს. El Mundo Deportivo-ს ცნობით, ბრაზილიელ ფეხბურთელს ბოლო დროს გუნდის მთავარ მწვრთნელ ლორან ბლანთან კონფლიქტი აქვს. სილვა სპეციალისტის მიერ დასახულ განვითარების გეგმას კატეგორიულად არ ეთანხმება.

უახლოეს მომავალში ტიაგუ სილვა “პარი სენ-ჟერმენის” ხელმძღვანელობას შეხვდება და სწორედ მაშინ გაირკვევა ურთიერთთანამშრომლობის პერსპექტივის საკითხიც.

მიმდინარე სეზონში სილვამ საფრანგეთის ჩემპიონატში 24 მატჩი ჩაატარა და 3 გოლი გაიტანა.