დღეიდან სლოვენია სრულიად ევროპის ყურადღების ცენტრში მოექცევა, მისი დედაქალაქი ლუბლიანა კი “ბებერ კონტინენტს” მთავარი საკალათბურთო მოვლენის - ევრობასკეტ 2013-ის დაწყებას მიულოცავს. დღევანდელი სანახაობა მხოლოდ ჩემპიონატის გახსნის ცერემონიალით შემოიფარგლება და მაყურებელს ძირითადად, სასიამოვნო ემოციებს განაცდევინებს. 4 სექტემბრიდან კი ნამდვილი სანახაობა იწყება და იმედია, მომავალი მატჩები ქართველი ქომაგისთვის ნერვიულობის გარდა სიამოვნების მომმგვრელიც იქნება.

საქართველოს კალათბურთელთა ეროვნული ნაკრები ევრობასკეტ 2013-ის პირველ მატჩს, 4 სექტემბერს, თბილისის დროით 16:30-ზე პოლონეთის წინააღმდეგ გამართავს. ეროვნული ნაკრები უკვე დაბინავდა ქალაქ ცელიესთან ახლომდებარე კურორტ ლაშკოში და გუშინ საღამოს პირველი ვარჯიშიც ჩაატარა.

საქართველო C ჯგუფში პოლონეთის, ხორვატიის, ესპანეთის, სლოვენიისა და ჩეხეთის ეროვნულ გუნდებთან გაარკვევს ურთიერთობას.

A ჯგუფი

1. უკრაინა

2. დიდი ბრიტანეთი

3. საფრანგეთი

4. გერმანია

5. ისრაელი

6. ბელგია

პირველი ტური: ისრაელი - დიდი ბრიტანეთი (16:30); ბელგია - უკრაინა (19:45); საფრანგეთი - გერმანია (23:00)

B ჯგუფი

1. ბოსნია

2. ლიტვა

3. მაკედონია

4. ჩერნოგორია

5. სერბეთი

6. ლატვია

პირველი ტური: ლატვია - ბოსნია (16:30); მაკედონია - ჩერნოგორია (19:45); სერბეთი - ლიტვა (23:00)

C ჯგუფი

1. პოლონეთი

2. სლოვენია

3. ესპანეთი

4. ხორვატია

5. ჩეხეთი

6. საქართველო

პირველი ტური: საქართველო - პოლონეთი (16:30); ესპანეთი - ხორვატია (19:45); ჩეხეთი - სლოვენია (23:00)

D ჯგუფი

1. ფინეთი

2. საბერძნეთი

3. რუსეთი

4. იტალია

5. შვედეთი

6. თურქეთი

პირველი ტური: თურქეთი - ფინეთი (16:30); შვედეთი - საბერძნეთი (19:45); რუსეთი - იტალია (23:00)

გიორგი ბალახაძე