მიუნხენის “ბაიერნის” ნახევარმცველმა ბასტიან შვაინშტაიგერმა ჟურნალისტებს უთხრა, რომ ჯერჯერობით არ იცის, როდის შეძლებს მინდორზე დაბრუნებას. გერმანიის ნაკრების ფეხბურთელი ბავარიულ კლუბთან ერთად ყატარულ შეკრებაზე იმყოფება და ინდივიდუალური პროგრამით ემზადება.
“სამწუხაროდ ჯერ არ შემიძლია იმის თქმა, თუ როდის შევძლებ სრული დატვირთვით ვარჯიშს და თამაშს. იმედია, ეს დრო მალე დადგება. კონკურენციის კი ნამდვილად არ მეშინია. მთავარია ოპტიმალური ფორმა აღვიდგინო” – განაცხადა შვაინშტაიგერმა.
