ინგლისის ეროვნული ნაკრების მცველმა ლუკ შოუმ “მანჩესტერ იუნაიტედთან" პირად შეთანხმებას უკვე მიაღწია და ტრანსფერს "საუთჰემპტონის" დასტურიღა აკლია. აღნიშნულ ინფორმაციას goal.com ავრცელებს.

გავრცელებული ინფორმაციით, 19 წლის ფეხბურთელი კვირაში 160 000 გირვანქას მიიღებს, "წითელ ეშმაკებთან" ხუთწლიან კონტრაქტს გააფორმებს და მსოფლიო ფეხბურთის ისტორიაში ყველაზე მაღალანაზღაურებადი თინეიჯერი ფეხბურთელი გახდება.

როგორც მოგეხსენებათ, ინგლისის ნაკრების მწვრთნელმა როი ჰოჯსონმა ფეხბურთელებს ტრანსფერების მოგვარება მუნდიალამდე სთხოვა. შესაბამისად, ლუკ შოუს ტრანსფერი "მანჩესტერში" მსოფლიო ჩემპიონატის შემდეგ მოხდება.

შეგახსენებთ, რომ მანჩესტერელები 19 წლის მცველის სანაცვლოდ 27 მილიონი გირვანქის გადახდას აპირებს. საუთჰემპტონელთა პოზიცია კი ცალსახაა: მათ ფეხბურთელის შენარჩუნება სურთ.

გიორგი ბალახაძე