“ბრუკლინ ნეთსმა”, რომლის რიგებშიც ქართველი კალათბურთელი თორნიკე შენგელია ირიცხება, შაბათ-კვირას 2 მატჩი მოილია, ჩვენებურმა კი ჯამში მოედანზე მხოლოდ 34 წამი გაატარა.

ქართველ ფორვარდს აღნიშნული დრო ზაზა ფაჩულიას “მილუოკი ბაქსთან” შეხვედრაში დაუთმეს და აქედანვე ვთქვათ, რომ საქართველოს ნაკრების კაპიტანს ტრავმის გამო კვლავ არ უთამაშია. გასაკვირი არაა, რომ აღნიშნულ მცირე დროში შენგელიამაც ვერაფრის გაკეთება მოასწრო.

თავად მატჩი ბრუკლინელებმა 104:93 მიოიგეს, რაშიც დიდი წვლილი შონ ლივინგსტონმა (20 ქულა) და მირზა ტელეტოვიჩმა (19 ქულა) დაიდეს.

საკვირაო შეხვედრაში კი “ნეთსი” უკვე ლიგის ერთ-ერთ ფავორიტ “ინდიანა პეისერზს” ესტუმრა და როგორც მოსალოდნელი გახლდათ, 91:105 წააგო. ბოსნიელი ტელეტოვიჩი 17 ქულით ამჯერადაც გამორჩეული იყო, მასზე შედეგიანი კი მხოლოდ პოლ პირსი (18 ქულა) იყო.

“ბრუკლინს” 10 მოგება და 20 მარცხი გააჩნია და ატლანტის დივიზიონში მე-3 ადგილზეა, ხოლო აღმოსავლეთ კონფერენციაზე მე-11 პოზიციაზე გახლავთ. “ნეთსი” მომდევნო თამაშს 1 იანვრის დილას სან ანტონიოში “სპურზის” წინააღმდეგ ჩაატარებს.