უკრაინულმა გრანდმა დონეცკის “შახტარმა”, ბრაზილიის ეროვნული ნაკრების ფეხბურთელი ფერნანდო შეიძინა. ამის შესახებ, უკრაინული პრესა იუწყება.

21 წლის ნახევარმცველმა დონეცკელებთან 5-წლიანი კონტრაქტი გააფორმა. ფერნანდოს სანაცვლოდ “გრემიუ” “შახტარისგან” 11 მილიონ ევროს მიიღებს.

ფერნანდო “გრემიუში” 2009 წლიდან თამაშობდა და 134 მატჩში 11 გოლი გაიტანა. ბრაზილიის ეროვნული ნაკრების მაისური მას 6-ჯერ მოურგია.