იტალიის ქალაქ პადოვაში მიმდინარე 25-ათასიან ტურნირზე “ორ ფრონტზე” წარმატებით იბრძვის სოფო შაფათავა.

წყვილებში შაფათავა და იტალიელი ჯიოლა ბარბიერი უკვე ნახევარფინალში არიან გასულნი. მათ რუს პოლინა ლეიკინას და ავსტრალიელ ელენ პერესს 6:2, 6:4 სძლიეს და ფინალის საგზურს მე-3 რეიტინგის მქონე ამერიკელებს – ლუიზა ჩირიკოს და სანაზ მარანდს შეეცილებიან.

ერთეულებში შაფათავას მე-6 რეიტინგი გააჩნია და მერვედფინალური მატჩი ელის, რომელშიც მეტოქედ ბრაზილიელი გაბრიელა სე ეყოლება.