ქალთა შორის საქართველოს პირველი ჩოგანი სოფო შაფათავა კოლუმბიის დედაქალაქ ბოგოტაში იმყოფება და საერთაშორისო ტურნირზე, რომლის საპრიზო ფონდიც 100 ათასი დოლარია, პირველი მატჩი ჩაატარა.

Seguros Bolivar Open-ის წყვილთა შეჯიბრის საწყის რაუნდში შაფათავა და რუსი მარინა შამაიკო ტაივანელ ჩიე-იუ ჰსუს და ბულგარელ ელიცა კოსტოვას გაეჯიბრნენ და 4:6, 3:6 დამარცხდნენ.

ქართველ ჩოგბურთელს რევანშის შანსი ერთეულთა შეჯიბრში მიეცემა, სადაც ძალებს იმავე კოსტოვასთან მოსინჯავს. უკვე ცნობილია, რომ გამარჯვების შემთხვევაში, სოფო მერვედფინალში სამხრეთაფრიკელ ჩანელ სიმონდსს გაეჯიბრება.

ეს უკანასკნელი ჩილელ ანდრეა კოხ-ბენვენუტოს 3:0 ამარცხებდა, როდესაც სამხრეთამერიკელმა თამაშის გაგრძელება ვეღარ მოახერხა.