ესტონეთის დედაქალაქ ტალინში მიმდინარე 15-ათასიან ტურნირზე პირველ ნომრად განთესილმა სოფო შაფათავას და სლოვენიელი მაშა ზეჩ-პესკირიჩის წყვილმა სომეხი ანი ამირაღიანის და უკრაინელი განა პოჟიხირენკოს დუეტს 7:6 (11:9), 7:5 სძლია და ნახევარფინალში გააღწია.

ფინალში გასასვლელ შეხვედრაში ქართველ და სლოვენიელ ჩოგბურთელებს გერმანელი კიმ-ალის გრაიდეკი და მოლდოველი იულია ჰელბეტი დაუპირისპირდებიან.

მე-2 ნახევარფინალში ერთმანეთს უნგრულ-ბულგარული (ბუკტა-ტომოვა) და ფინურ-ხორვატული წყვილები (ლაინე-ვრლიჩი) გაეჯიბრებიან.

ანტალიის 10-ათასიანი ტურნირის პირველ რაუნდში სოფო ქვაცაბაიამ იაპონელი ნაცუმი ჩიმურა 6:4, 6:4 დაამარცხა და მერვედფინალში მე-2 ნომრად განთესილ რუს იანა სიზიკოვას ეთამაშება.

შეგახსენებთ, რომ მე-2 რაუნდში უკრაინელ ალიონა ფომინასთან მოსინჯავს ძალებს მე-3 განთესვის მქონე ეკატერინე გორგოძე.

წყვილებში მე-4 რეინგით მოასპარეზე გორგოძემ და ავსტრიელმა პია კიონიგმა ჩინელები ბოიან ვანგი და ჟაოქსუან იანგი 5:7, 7:6 (7:3), 10:7 დაამარცხეს და მეოთხედფინალში კიდევ ერთი ჩინური დუეტის (ლი-ჟუ) პირისპირ დადგებიან.

მეოთხედფინალშივე პირველ ნომრად განთესილ უკრაინულ-გერმანულ წყვილს (ფომინა-შაკოვეცი) გაეჯიბრებიან ქვაცაბაია და თურქი ესენ კოკჩე.