ცენტრალური თავდამსხმელი სერგო ათუაშვილი (28.03.85, 224სმ) ტუნისის უმაღლესი ლიგის საკალათბურთო კლუბ “რადესში” თამაშობს.

ამის შესახებ “მსოფლიო სპორტს” სუპერლიგის მონაწილე “რუსთავის” პრესსამსახურის წარმომადგენელმა ნათია ჯიოშვილმა განუცხადა.

აღსანიშნავია, რომ ათუაშვილი პირველი ქართველი კალათბურთელია, რომელიც აფრიკის კონტინენტზე თამაშობს.

შეგახსენებთ, რომ ათუაშვილმა 2013-14 წლების საკალათბურთო სეზონი “რუსთავში” დაიწყო და გუნდის ერთ-ერთი ლიდერი გახდა. ტუნისში კი საქართველოს თასის მე-12 გათამაშების მეოთხედფინალური სერიის დასრულების შემდეგ გაემგზავრა.