მადრიდის “ატლეტიკოს” პრეზიდენტმა ენრიკო სერესომ ჟურნალისტებს უთხრა, რომ “ბარსელონადან” თავდამსხმელ დავიდ ვილიას გადაყვანით ძალიან კმაყოფილია და ეჭვიც არ ეპარება, რომ ფეხბურთელი გულშემატკივრებს შედეგიანი თამაშით ადვილად შეაყვარებს თავს.
“დარწმუნებული ვარ, ვილია რადამელ ფალკაოს ღირსეულად შეცვლას შეძლებს. ძალიან ძლიერი თავდამსხმელი შევიმატეთ და მისგან ყველა უმაღლესი ხარისხის თამაშს ელოდება”, – განაცხადა სერესომ და იქვე დასძინა, რომ დავიდ ვილიას კონტრაქტის ფინანსური პირობებითაც ძალიან კმაყოფილია.
