მსოფლიო საჩოგბურთო რეიტინგის ლიდერმა სერენა უილიამსმა მადრიდის მასტერსის ფინალურ მატჩში ძალზედ იოლად დაამარცხა 26 წლის რუსი მარია შარაპოვა 6:1, 6:4 და კარიერაში 50-ე ტიტული მოიგო.

შეხვედრა 1 საათსა და 18 წუთს გაგრძელდა და ამ დროის განმავლობაში ამერიკელმა 8 ბრეიკპოინტიდან 5 მოგებულ გეიმებად გარდასახა, შარაპოვამ კი ორი შესაძლებლობიდან მხოლოდ ერთი გამოიყენაუილიამსის ანგარიშზე 3 ეისი და 2 ორმაგი შეცდომა გახლდათ,  მარიამ კი 2 ეისის წილ ერთბაშად 8 ორმაგი დაუშვა.

ამ ჩოგბურთელთა ურთიერთდაპირისპირებათა ისტორიაში მარიასთვის ჩამორჩენა კატასტროფული გახდა 2:13.

დებ უილიამსებს შორის უმცროსმა სერენამ მადრიდის მასტერსზე გამარჯვების წყალობით 1000 სარეიტინგო ქულა და 643000 ევრო მოიპოვა.