მსოფლიო რეიტინგის ლიდერმა ამერიკელმა სერენა უილიამსმა, საფრანგეთის ღია პირველობის მეოთხედფინალურ ეტაპზე, მძიმე ბრძოლაში მოახერხა 27 წლის რუსი სვეტლანა კუზნეცოვას დამარცხება - 6:1, 3:6, 6:3 და ნახევარფინალის საგზურიც მოიპოვა.

მატჩი 2 საათს გაგრძელდა და ამ დროის განმავლობაში, სერენას ანგარიშზე 6 ბრეიკი, 4 ეისი (ყველაზე სწრაფი ჩაწოდება 187 კმ/სთ) და 5 ორმაგი შეცდომა გახლდათ. უილიამსმა აქტიური ქმედების შედეგად 37 გათამაშება მოიგო და 28 უნებლიე შეცდომა დაუშვა. კუზნეცოვამ კი, 9 ბრეიკპოინტიდან, 4 მოგებულ გეიმებად გარდასახა (44%), 1 ეისი ჩააწოდა(საუკეთესო 159 კმ/სთ) და 1 ორმაგი დაუშვა.

ამ ჩოგბურთელთა ურთიერთდაპირისპირებათა ისტორიაში, ანგარიში 7:2 გახდა ამერიკელის სასარგებლოდ.

ტურნირის ნახევარფინალურ ეტაპზე, სერენა უილიამსი იტალიელ სარა ერანის დაუპირისპირდება.