ფრანგული “სენტ ეტიენის” დამრიგებელს, კრიტოფ გალტიეს მწვრთნელებისთვის იშვიათი რამ შეემთხვა – მან, ერთ-ერთ ვარჯიშზე, ტრავმა მიიღო.
დღეს, დილის ვარჯიშზე, გალტიე წაიქცა და მან თავი გადასატან კარს დაარტყა. L’Equipe-ს ცნობით, 47 წლის სპეციალისტს დაახლოებით 3 წუთის განმავლობაში გონება დაკარგული ჰქონდა.
გალტიე საავადმყოფოში წაიყვანეს, სადაც მას ქალა-ტვინის ტრავმა დაუდგინდა. ექიმების განცხადებით, მის სიცოცხლეს საფრთხე არ ემუქრება.
