ხელბურთის საერთაშორისო ფედერაციის ვებგვერდზე გამოქვეყნდა სტატია (http://ihf.info/MediaCenter/News/NewsDetails/tabid/130/Default.aspx?ID=1868) საქართველოში ამასწინათ გამართული მწვრთნელთა სასწავლო კურსების შესახებ.

“ქართულ ხელბურთს წინ დიდი ამბები ელის: ქვეყანა უახლოეს მომავალში ორ დიდ საერთაშორისო ტურნირს უმასპინძლებს. 2015 წელს თბილისში გაიმართება ევროპის ახალგაზრდობის ოლიმპიური ფესტივალი, სადაც ხელბურთიცაა ჩართული, ორი წლის შემდეგ კი ქვეყანა ჭაბუკთა მსოფლიო ჩემპიონატს მიიღებს, რომლის მასპინძლობის უფლება მას IHF კონგრესმა 2013 წლის ოქტომბერში დოჰაში მიანიჭა.

საქართველოში ბოლო წლებში ბევრი რამ გაუმჯობესდა. ამას ხელი შეუწყო ხელბურთის საერთაშორისო ფედერაციის რამდენიმე პროექტმა ხელბურთი განვითარების ოთხწლიანი გეგმის მიხედვით, რომელიც ქვეყანაში მდგრადი სახელბურთო სტრუქტურების დაფუძნებას ითვალისწინებს.

კიდევ ერთი ეტაპი კი იყო ნოემბერში, თბილისში გამართული სამწვრთნელო კურსები ოლიმპიური სოლიდარობის პროგრამით, რომელშიც მონაწილეობდნენ მწვრთნელები მთელი ქვეყნიდან. თოთხმეტმა მწვრთნელმა წარმატებით დაასრულა კურსი, რომელსაც უძღვებოდა IHF ლექტორი იგორ შესტაკოვი (ნორვეგია) და ის, ძირითადად ბავშვთა გუნდების წვრთნის პროცესს შეეხებოდა.

კურსი დღეში 5 მეცადინეობას შეიცავდა – თეორიულს, პრაქტიკულსა და სემინარულს. პრაქტიკულ ვარჯიშებში 13-15 წლამდე ასაკის 50-მდე ხელბურთელი მონაწილეობდა. თერთმეტდღიანი კურსების თემატიკა ვრცელი იყო – ინდივიდუალური საბაზისო ტექნიკით და სათამაშო აზროვნებით დაწყებული, დასრულებული ტაქტიკური სავარჯიშოებით დაცვასა და შეტევაში თამაშის დროს.

თეორიულ მეცდინეობას მოსდევდა პრაქტიკული, შემდეგ კი ვარჯიშის გაანალიზება ლექტორისა და მონაწილეების მიერ. კურსის დამატებითი ნაწილი იყო იყო სამწვრთნელო ფილოსოფია და ნიჭიერი ბავშვების სწორად შერჩევა. როგორც შესტაკოვმა აღნიშნა, ყველა მონაწილე დიდად იყო დაინტერესებული და მოტივირებული”.

2014 წელს საქართველო უნდა შეუერთდეს ე.წ. რინკის კონვენციას, რის შემდეგაც ევროპულ სტანდარტებთან სრულ შესაბამისობაში უნდა მოვიდეს მწვრთნელთა ლიცენზირების საკითხი.

www.geohandball.ge