ლეგენდარულმა ესპანელმა თავდამსხმელმა კარლოს სანტილიანამ ესპანურ გამოცემა “ასთან” კრიშტიანუ რონალდუს შესახებ ისაუბრა.
“მას შეუძლია კლუბის ყველა რეკორდი დაამხოს. იგი საუკეთესოა და თანამედროვე ფეხბურთში ყველასგან გამოირჩევა. მადრიდში გადმოსვლის შემდეგ ფიზიკურად გაძლიერდა, ჩვენთან განვითარდა რონალდუს ტექნიკური შესაძლებლობები და მსოფლიოში საუკეთესო ფეხბურთელად იქცა”, - დაასრულა 62 წლის ფეხბურთელმა.
კარლოს სანტილიანა 1971-1988 წლებში მადრიდის “რეალში” თამაშობდა. ჩატარებულ 461 შეხვედრაში 186 გოლი გაიტანა.
დიმა შარიქაძე
