ვიქტორ სანიკიძის “სარაგოსამ” ესპანეთის ჩემპიონატში ასრებული პაუზით ისარგებლა და მალიორკაში რანგით მე-3 “ლებ სილვერის” ერთ-ერთ ლიდერ “პალმა ეარ ევროპას” დაუპირისპირდა.

როგორც მოსალოდნელი გახლდათ, ელიტის ბინადარმა სარაგოსელებმა მეტოქეს იოლად – 105:81 სძლიეს, ქართველი ფორვარდის მონაგარი კი 10 ქულა გახლდათ.

აღსანიშნავია, რომ არაგონელთაგან, სანიკიძის გარდა, 10-ქულიან ზღვარს კიდევ ხუთმა კალათბურთელმა უწია, ყველაზე შედეგიანები კი ამერიკელი მაიკლ როლი (16), ხორვატი პერე ტომასი და ჰოლანდიელი ჰენკ ნორელი (ორივე – 13) იყვნენ.

შეგახსენებთ, რომ ეს უკანასკნელი “სარაგოსას” ძირითად ცენტრად მას შემდეგ იქცა, რაც გუნდი ქართველმა გიორგი შერმადინმა დატოვა.