დიდი ალბათობით, ლონდონის “არსენალის” მცველი ბაკარი სანია მომდევნო სეზონიდან “მანჩესტერ სიტის” ღირსებას დაიცავს. ამის შესახებ ბრიტანული მედია იუწყება.
მოგეხსენებათ, 31 წლის ფრანგს “მეთოფეებთან” კონტრაქტი ივნისში ეწურება და თავისუფალი აგენტი ხდება. ამგვარად, მარჯვენაფლანგელს “სიტის” ხელმძღვანელობასთან მხოლოდ პირადი კონტრაქტის დეტალებზე აქვს საუბარი.
რამდენადაც ცნობილია, “ქალაქელები” სანიასთვის 3-წლიან კონტრაქტს ამზადებენ. წლიური ხელფასის ოდენობა, ჯერჯერობით, არ ხმაურდება.
