ესპანური პრესის ცნობით, კატალონიის "ბარსელონას" თავდამსხმელი ალექსის სანჩესი ტურინის "იუვენტუსში" იმ შემთხვევაში გადავა თუ ანტონიო კონტე კლუბთან ახალ კონტრაქტს გააფორმებს.

მიუხედავად იმისა, რომ იტალიელმა სპეციალისტმა ტურინელებს კიდევ ერთხელ მოაგებინა იტალიის ჩემპიონის ტიტული, კლუბის ხელმძღვანელობა ჩემპიონთა ლიგაზე "იუვენტუსის" გამოსვლით უკმაყოფილოა და კონტეს შეცვლა სურს.

როგორც ჩანს, ალექსის სანჩესს თავისი ულტიმატუმი აქვს და "იუვენტუსში" მისი გადასვლა ანტონიო კონტეზეა დამოკიდებული.

25 წლის ჩილელი ფეხბურთელის სატრანსფერო ღირებულება 30 მილიონ ევროს შეადგენს. ალექსის სანჩესმა ამ სეზონში პრიმერადივიზიონში 33 მატჩი ჩაატარა და 18 გოლი გაიტანა.

გიორგი ბალახაძე