ბრაზილიურ “სან პაულუს” კატალონიის “ბარსელონას” კარის დარაჯის – ვიქტორ ვალდესის შეძენა სურს. AS-ის ცნობით, ბრაზილიელები ესპანელის გადაბირებას ზაფხულის სატრანსფერო სეზონის საწყის პერიოდშივე ეცდებიან.
ხსენებული წყაროს ინფორმაციით, “სან პაულუმ” ვალდესის წარმომადგენლებს წინადადებით უკვე მიმართა. საგულისხმოა, რომ თავად მეკარეს კარიერის გაგრძელება ევროპაში სურს, თუმცა სამხრეთამერიკელები იმედს მაინც არ კარგავენ.
მოგეხსენებათ, ვალდესმა “ბარსელონას” ახალ კონტრაქტზე უარი უთხრა. გადაწყვეტილია, რომ სეზონის ბოლოს, კატალონიელი კლუბს შეიცვლის.