დევისის თასის წლევანდელი გათამაშება გადამწყვეტ ეტაპზეა მისული - 12-14 სექტემბერს ნახევარფინალური მატჩები ჩატარდება. ნახევარფინალში ერთმანეთს შვეიცარიისა და იტალიის, ჩეხეთისა და საფრანგეთის ნაკრებები დაუპირისპირდებიან. შვეიცარიის ჩოგბურთის ფედერაციის გადაწყვეტილებით ნახევარფინალური პაექრობა ჟენევაში, სპორტკომპლექს Palexpo-ში ჩატარდება.

შეგახსენებთ, მეოთხედფინალში, როჯერ ფედერერისა და სტანისლას ვავრინკას შემადგენლობით, შვეიცარიელებმა დიდი ბრძოლის შემდეგ მოუგეს ყაზახებს (3:2), დევისის თასის მოქმედი ჩემპიონი ჩეხეთის ეროვნული გუნდი კი გასვლაზე შეხვდება „სამფეროვნებს“.

საფრანგეთის ნაკრების კაპიტნის არნო კლემანის გადაწყვეტილებით ფრანგები ჩეხებს „როლან გაროსზე“ უმასპინძლებენ. სადღესოდ ამ 2 ნაკრების ურთიერთდაპირისპირებათა ანგარიში საყაიმოა - საფრანგეთის ნაკრები ჩეხეთის ეროვნულ გუნდს 14-ჯერ შეხვდა და მეტოქეებმა ერთმანეთს 7-7-ჯერ სძლიეს.