საკალათბურთო ევროპირველობაზე E ჯგუფის მეორე ტურის მატჩები გაიმართა. ლიტვამ ძალიან იოლად დაამარცხა ბელგიის ნაკრები. ლატვიასთან სამარცხვინო მატჩის შემდეგ უკრაინამ მობილიზება შეძლო და სერბეთთან საჭირო გამარჯვებას მიაღწია. საფრანგეთის ნაკრებმა კი ჯგუფში მესამე გამარჯვებას მიაღწია და მეოთხედფინალისკენ მნიშვნელოვანი ნაბიჯი გადადგა.  

ლიტვა - ბელგია 86:67 (18:12, 26:9, 25:14, 17:32)

ლუბლიანა. "სტოჟიცე-არენა". 2480 მაყურებელი

ბელგიამ მატჩი კარგად დაიწყო და თავიდან 12:11 იგებდა, თუმცა ლიტველებმა 12-ქულიანი გაქცევა მოაწყეს და მატჩზე კონტროლი დააწესეს. პირველი ნახევარი ბალტიისპირელებმა 23 ქულის სხვაობით მოიგეს და აშკარა გახდა უპირატესობას ხელიდან არ გაუშვებდნენ. მესამე მეოთხედში კაზლაუსკასის შეგირდებმა კლასის და გამოცდილების ხარჯზე ბელგიელთა განადგურება გააგრძელეს და ბოლო მეოთხედის სტარტს 34! ქულიანი ჰანდიკაპით შეხვდნენ. მართალია ბოლო მეოთხედში ბენილუქსელებმა აიწყვიტეს და მეტოქე 15 ქულიანი სხვაობით დაამარცხეს, თუმცა მატჩის მოგებისთვის ეს საკმარისი არ აღმოჩნდა. მატჩის საუკეთესო კალათბურთელად ვალანჩუნასი დაასახელეს. ლიტველმა 12 ქულას 10 მოხსნა მიამატა და ორმაგი დუბლით გამოირჩა. ლიტვამ ამ მოგებით მეოთხედფინალისკენ მნიშვნელოვანი ნაბიჯი გადადგა.

ლიტვა: მოტეიუნასი (13ქ. 4მ), კუზმინსკასი (12ქ. 8მ), ვალანჩუნასი (12ქ. 10მ).

მწვრთნელი: იონას კაზლაუსკასი

ბელგია: ტაბუ (15ქ. 2მ. 3პ), ჰერველე (10ქ. 8მ), დრისენი (9ქ. 1მ).

მწვრთნელი: ედი კასტელსი

უკრაინა - სერბეთი 82:75 (18:21, 23:19, 22:14, 19:21

ლუბლიანა. "სტოჟიცე-არენა". 4230 მაყურებელი

ლატვიასთან უსახური მატჩის შემდეგ უკრაინამ მობილიზება მოახერხა და სერბეთის ნაკრები დაამარცხა. შეხვედრა თანაბარ ორთაბრძოლაში წარიმართა. პირველი ტაიმი შავიზღვისპირელებმა მხოლოდ ქულით მოიგეს. მატჩში გადამწყვეტი მესამე მეოთხედი აღმოჩნდა, რომელიც უკრაინელებმა 8 ქულის სხვაობით იმარჯვეს და გადამწყვეტ მეოთხედს 9-ქულიანი უპირატესობით შეხვდნენ. ბოლო მეოთხედში მიკ ფრატელოს შეგირდებმა შეხვედრის სადავეები ხელიდან არ გაუშვეს. უკრაინელთაგან იეტერი ქულას ქულაზე ითვლიდა, ბალკანელთაგან კი ანგარიშის შესამცირებლად ბიელიცა და კრსტიჩი ცდას არ აკლებდნენ, თუმცა უკრაინამ მოგება მაინც შეძლო. მიკ ფრატელოს გუნდი მესამე ტურში ლიტვას ხვდება და წარმატების შემთხვევაში მეოთხედფინალის საგზურს გაინაღდებს.

უკრაინა: კორნიენკო (21ქ. 8მ. 1პ), იეტერი (20ქ. 1მ. 4პ), ნატიაჟკო (9ქ. 6მ. 1პ)

მწვრთნელი: მაიკ ფრატელო

სერბეთი: ბიელიცა (22ქ. 10მ. 4პ), კრსტიჩი (17ქ. 5მ), ბოგდანოვიჩი (15ქ. 4მ. 4პ).

მწვრთნელი: დუშან ივკოვიჩი

საფრანგეთი - ლატვია 102:91 (31:15, 21:20, 24:30, 26:26)

ლუბლიანა. "სტოჟიცე-არენა". 4320 მაყურებელი

საფრანგეთის ნაკრები სლოვენიაში მიმდინარე ევროპირველობაზე პირველი გუნდია, რომელმაც 100-ქულიან ზღვარს უწია. ვინსენ კოლეს შეგირდებმა ბალტიისპირელებს პირველი ტაიმი 17 ქულიანი სხვაობით მოუგეს. ბაგატსკისის ახალგაზრდა სიმპატიურმა გუნდმა მესამე მეოთხედში ანგარიშში სხვაობა 11 ქულამდე დაიყვანა, თუმცა ამის შემდეგ ფრანგებს ვერაფერი მოუხერხეს. საბოლოოდ ბალტიისპირელებმა 11 ქულის სხვაობით წააგეს, თუმცა მეოთხედფინალში გასვლის შანსი მაინც დარჩათ. გამარჯვებულთაგან აჯინკას, პარკერის, ბატუმის და დიაომ კვარტეტმა 82 ქულის მოგროვება შეძლო და თამამად შეიძლება ითქვა ამ ოთხმა კალათბურთელმა დაამარცხა მეტოქე. დამარცხებულთაგან კი საუკეთესო 28 ქულით დაირის ბერტანსია.

აღსანიშნავია, რომ ლატვიის ნაკრებმა ევროპირველობის ისტორიაში ფრანგებს ბოლოს 1937 წელს მოუგო, მას შემდეგ ბალტიისპირელებმა ფრანგებთან ხუთი მატჩი წააგეს.

საფრანგეთი: აჯინკა (25ქ. 5მ. 1პ), პარკერი (23ქ. 1პ), ბატუმი (19ქ. 10მ. 6პ), დიაო (16ქ. 9მ. 3პ).

მწვრთნელი: ვინსენ კოლე

ლატვია: ბერტანსი (28ქ. 2მ. 1პ), სტრელნიექსი (14ქ. 2მ), კუკსიქსი (11ქ. 3მ. 2პ), ფრეიმანისი (11ქ. 2მ. 1პ).

მწვრთნელი: აინარს ბაგატსკისი

E ჯგუფი     

1. ლიტვა           4   3/1   285/251    7

2. საფრანგეთი     4   3/1   323/303     7

3. სერბეთი         4   3/1   294/278    7

4. უკრაინა         4   2/2   262/294    6

5. ლატვია          4   1/3   306/300    5

6. ბელგია          4   0/4   258/302    4

გიორგი ბალახაძე

ევრობასკეტ-2013-ს წარმოგიდგენთ ონლაინ-ტოტალიზატორი თBILIშIBEთ.ჩOM და სპორტული ეკიპირების ესპანური ბრენდი ჟომა