საფეხბურთო კლუბ “საბურთალოს” გენერალური სპონსორი ბანკი “ვი თი ბი” გახდება. ამის შესახებ “საბურთალოს” ოფიციალური ვებგვერდი იუწყება.
“საბურთალოსა” და “ვი თი ბის” შორის სასპონსორო ხელშეკრულებას ხელი 9 დეკემბერს, 13 საათზე სტადიონ “ბენდელას” საპრესკონფერენციო დარბაზში მოეწერება.
ამის შემდეგ, “საბურთალოსა” და “ვი თი ბის” ხელმძღვანელების პრესკონფერენცია გაიმართება.
შეგახსენებთ, რომ მიმდინარე სეზონში “საბურთალო” საქართველოს ეროვნული ჩემპიონატის პირველი ლიგის B ზონაში ასპარეზობს, სადაც 14 გუნდში მე-8 ადგილი უკავია.
