ოთხშაბათს ეროვნული საფეხბურთო ჩემპიონატის მე-19 ტურის მატჩები გაიმართა. მთავარი მოულოდნელობა დიდუბეში, “დინამო არენაზე” მოხდა, ჩემპიონობის მთავარმა კანდიდატმა, თბილისის “დინამომ” ბოლნისის “სიონთან” 1:2 წააგო. “ზესტაფონმა” ბოლო ოთხ დღეში ზედიზედ მეორედ მოიგო 3:0 და მესამე ადგილზე დამკვიდრდა. ამჯერად მარგველთა მსხვერპლი “ზუგდიდი” გახდა. სამივე გოლი ექსტორპედოელმა, 22 წლის ნიკა საბანაძემ გაიტანა. ვაკეში, “მიხეილ მესხზე,” “ჩიხურამ” მხოლოდ მსაჯის მე-4 წამატებულ წუთზე შეძლო “სპარტაკის” დამარცხება, თუმცა თავიდან 0:2 აგებდა. “გურიამ” გორში “დილას” სძლია და “სიონთან” მე-4-5 ადგილებს იყოფს. “მეტალურგმა” “სამუშაო” გამარჯვება ჩაიწერა “ვიტ ჯორჯიასთან,” “ტორპედო” და “მერანი” კი ერთმანეთს მშიდობიანად დაშორდნენ.

სპარტაკი (ცხინვალი) – ჩიხურა (საჩხერე) 2:3 (2:2)

გოლები: 1:0 თორნიკე თუხარელი (7), 2:0 ლაშა პარუნაშვილი (12), 2:1 ბესიკ დეკანოიძე (25), 2:2 გიორგი გაბედავა (35), 2:3 გიორგი დათუნაიშვილი (90+4)

დილა (გორი) – გურია (ლანჩხუთი) 1:3 (0:0)

გოლი: 0:1 პავლე ხორგუაშვილი (პენ, 53), 0:2 გიგა კვერენჩხილაძე (83), 1:2 დავით რაჟამაშვილი (89), 1:3 ზურაბ ძამსაშვილი (პენ, 90+3)

მეტალურგი (რუსთავი) – ვიტ ჯორჯია (თბილისი) 2:0 (0:0)

გოლები: 1:0 კახაბერ კაკაშვილი (49), 2:0 ვარლამ კილასონია (58)

ტორპედო (ქუთაისი) – მერანი (მარტვილი) 1:1 (0:0)

გოლები: 1:0 პაპუნა ფონიავა (63), 1:1 მამუკა ღონღაძე (68)

დინამო (თბილისი) – სიონი (ბოლნისი) 1:2 (0:0)

გოლები: 1:0 ჩისკო (72), 1:1 გიორგი კახელიშვილი (75), 1:2 ჯაბა უგულავა (85)

ზესტაფონი – ზუგდიდი 3:0 (3:0)

გოლები: 1:0, 2:0, 3:0 ნიკა საბანაძე (7, 9, 45)

მეგოლეები:

13 – დიმიტრი ტატანაშვილი (“ზესტაფონი”)

9 – დორინ გოგა, ირაკლი მოდებაძე (2), ჩისკო მუნიოსი (“დინამო”)

6 – ვილი ისიანი (“გურია”), თორნიკე კაპანაძე (“ზესტაფონი”), ნიკა საბანაძე (“ზესტაფონი”)

5 – ჯაბა ჯიღაური (“ჩიხურა”), ელგუჯა ლობჯანიძე (“ვიტ ჯორჯია”), გიორგი მერებაშვილი (“დინამო”), ჯაბა დვალი (“დინამო” / “ყარაბახი” აზერბაიჯანი)

შენიშვნა: საქართველოს ფეხბურთის ფედერაციის დებულების თანახმად, უმაღლეს, პირველ და დუბლების ჩემპიონატებში თანაბარი ქულების დაგროვების შემთხვევაში, ადგილები შემდეგი პრიორიტეტული პრინციპით გაირკვევა:

-ჩემპიონატში უშუალოდ ურთიერთშეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში, უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);

-ჩემპიონატში მოგებათა მეტი რაოდენობა;

-ჩემპიონატში გატანილი და მიღებული ბურთების უკეთესი სხვაობა;

-ჩემპიონატში გატანილი გოლების მეტი რაოდენობა;

-ჩემპიონატის განმავლობაში, გუნდის მიერ მიღებული წითელ-ყვითელი ბარათების რაოდენობა (წითელი 3 ქულა, ყვითელი – 1 ქულა. თანაბარი ქულების დაგროვების შემთხვევაში, უპირატესობა მიენიჭება ნაკლებ წითელ ბარათს);

-თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა;