“მანჩესტერ იუნაიტედის” ფორვარდ უეინ რუნის გუნდის კაპიტნობა სურს, მაგრამ არ იცის, ვის ენდობა ახლადდანიშნული თავკაცი ლუის ვან გაალი. რამდენადაც ცნობილია, ჰოლანდიელ სპეციალისტს კაპიტნად თავისი თანამემამულე რობინ ვან პერსი სურს.
“კაპიტნის სამკლავურით დაინტერესებული ვარ. ვგრძნობ, რომ ამ პასუხისმგებლობის ჩემს თავზე ასაღებად მზად ვარ, მაგრამ გადაწყვეტილება მწვრთნელის მისაღებია”, - განუცხადა რუნიმ ბრიტანულ მედიას.
შეგახსენებთ, რომ “მანჩესტერის” ყოფილი კაპიტანი ნემანია ვიდიჩი მომდევნო სეზონიდან მილანის “ინტერის” ღირსებას დაიცავს.
