“მანჩესტერ იუნაიტედისა” და ინგლისის ნაკრების თავდამსხმელი უეინ რუნი, პრემიერლიგის მომავალ ტურში, 5 ოქტომბერს, “სანდერლენდის” წინააღმდეგ ჩასატარებელ მატჩს სრულ მზადყოფნაში ხვდება. შესაბამისად, იგი ნაკრებსაც დაეხმარება მსოფლიოს 2014 წლის ჩემპიონატის შესარჩევი ეტაპის დასკვნით მატჩებში  ჩერნოგორიასა და პოლონეთთან.

ბრიტანულმა სპორტულმა გამოცემებმა, ეს ინფორმაცია “მანიუს” მთავარი მწვრთნელის, დევიდ მოიესის კომენტარზე დაყრდნობით გაავრცელეს.

შეგახსენებთ, ჩემპიონთა ლიგის ჯგუფური ეტაპის მეორე ტურში, დონეცკში “შახტართან” თამაში, რუნიმ კოჭის მცირე ტრავმის გამო გამოტოვა.