ზაფხულის სატრანსფერო სეზონში, ინგლისური “მანჩესტერ იუნაიტედი” თავდამსხმელ უეინ რუნის არ გაყიდის. ბრიტანული ტაბლოიდები ვარაუდობდნენ, რომ “წითელ ეშმაკებში” ალექს ფერგიუსონის ერის დასრულების შემდეგ, კლუბს 27 წლის ინგლისელიც შეიცვლიდა.

“უეინ რუნი არ იყიდება”, - მოკლედ და კონკრეტულად განუცხადა მანჩესტერელთა წარმომადგენელმა BBC-ს.

უკანასკნელ პერიოდში გავრცელებული ინფორმაციით, ლონდონის “ჩელსი” რუნიში 25 მილიონი გირვანქა სტერლინგის გადასახდელადაა მზად.

ცნობისათვის, ინგლისის ეროვნული ნაკრების ფორვარდს “მანჩესტერთან” კონტრაქტი 2 წელიწადის შემდეგ ეწურება.