“მანჩესტერ იუნაიტედის” თავდამსხმელი უენი რუნი კლუბის ისტორიაში მეოთხე ფეხბურთელი გახდა, ვინაც 200 გოლის გატანა შეძლო. 27 წლის ფეხბურთელმა გუშინ, ჩემპიონთა ლიგის ჯგუფური ეტაპის პირველ ტურში, ლევერკუზენის “ბაიერის” კარი ორჯერ აიღო და საბოლოო გამარჯვებაში (4:2) უმნიშვნელოვანესი როლი შეასრულა. საიუბილეო გოლი კი მეორე ტაიმში გაიტანა.

უეინ რუნიზე წინ ბობი ჩარლტონი (249 გოლი), დენის ლოუ (237) და ჯეკ კოული (211) დგანან.

“დრო სასწაულად სწრაფად გარბის. უკვე მეცხრე წელია “მანჩესტერ იუნაიტედში ვთამაშობ. რაც შეეხება რეკორდსმენთა სიაში გარევას, ჩემთვის ეს უდიდესი პატივია” – უთხრა რუნიმ ბრიტანულ გამოცემებს.