მიუნხენის “ბაიერნის” აღმასრულებელი დირექტორი კარლ-ჰაინც რუმენიგე მიიჩნევს, რომ მის გუნდს “დორტმუნდის” შემტევის, მარკო როისის ხელში 25 მილიონ ევროდ ჩაგდება შეუძლია.

როისისა და “დორტმუნდს” შორის მოქმედ კონტრაქტს ვადა 2017 წელს გასდის და ფეხბურთელი ხელშეკრულების გახანგრძლივებას არ აპირებს. გავრცელებული ინფორმაციით, მომდევნო ზაფხულში, 25 წლის ფეხბურთელის გამოსასყიდი თანხა 35 მილიონი ევრო იქნება, ხოლო რუმენიგე მიიჩნევს, რომ როისის ყიდვა კიდევ უფრო იაფად იქნება შესაძლებელი.

“როისი “დორტმუნდის” ფეხბურთელია, მაგრამ გავრცელებული ინფორმაციის თანახმად, მისი გამოსასყიდი თანხა არა 35, არამედ 25 მილიონი იქნება.

ეჭვგარეშეა, რომ როისი ძალიან კარგი ფეხბურთელია და მისი დამატების წინააღმდეგი არცერთი გუნდი არ იქნება.” – განაცხადა რუმენიგემ Bild-თან საუბრისას.

შეგახსენებთ, რომ ბოლო ერთი წლის განმავლობაში, “ბაიერნმა” “დორტმუნდიდან” ჯერ მარიო გიოტცე, ხოლო შემდეგ რობერტ ლევანდოვსკი გადაიბირა და ორივე ეს ტრანსფერი დორტმუნდელთა სურვილის საწინააღმეგოდ განხორციელდა.