“ფიორენტინას” თავდამსხმელმა ჯუზეპე როსიმ ერთ-ერთ იტალიურ გამოცემასთან ინტერვიუში თქვა, რომ უფეხბურთოდ გაძლება უჭირს და ერთი სული აქვს, როდის შეძლებს მინდორზე დაბრუნებას. ფეხბურთელი იანვარში მიღებულ მუხლის ტრავმას ჯერ კიდევ მკურნალობს.

“გუნდი გენუაში მიდის, ჩემპიონატის მორიგი თამაშის ჩასატარებლად. მე კი სამწუხაროდ ფლორენციაში უნდა დავრჩე და ინდივიდუალური პროგრამით მზადება გავაგრძელო. სარეაბილიტაციო ბერიოდის გავლას სულმოუთქმელად ველი. ფეხბურთის თამაში მომენატრა” – განაცხადა ჯუზეპე როსიმ.