“ფიორენტინას” ფორვარდი ჯუზეპე როსი იმედოვნებს, რომ იტალიის თასის ფინალისთვის მზადყოფნაში იქნება. ფინალური მატჩი 3 მაისს გაიმართება და ფლორენციელები ტიტულისთვის “ნაპოლის” დაუპირისპირდებიან. შეგახსენებთ, რომ 27 წლის თავდამსხმელმა იანვარში მუხლის ტრავმა მიიღო და ამჟამად სარეაბილიტაციო კურსს გადის.
“ყოველდღიურად ვასრულებ აღდგენით ვარჯიშებს და მხოლოდ ფინალზე ვფიქრობ” – ამბობს როსი.
ფეხბურთელის განცხადებით, “ფიორენტინაში” თამაში მისთვის წინგადადგმული ნაბიჯია, იგი გუნდში თავს ბედნიერად გრძნობს და ამის ერთ-ერთ მიზეზად ასახელებს იმას, რომ ფლორენციაში ყველა ფეხბურთით ცხოვრობს.
“ამ გუნდში უმაღლესი დონის ფეხბურთელებს უთამაშიათ და იმედი მაქვს, ჩვენც შევძლებთ გავახაროთ ფლორენციელები, რომელთაც “ფიორენტინას” არაერთი ხმაურიანი გამარჯვება უნახავთ” – აღნიშნა ჟურნალისტებთან საუბრისას როსიმ, რომელმაც სერია ა-ს მიმდინარე სეზონში 18 მატჩი ჩაატარა და 14 გოლი გაიტანა.
