მადრიდის “რეალის” ვარსკვლავი კრიშტიანუ რონალდუ გაღიზიანებულია იმით, რომ კლუბმა ნახევარმცველი მესუთ იოზილი ლონდონის “არსენალში” გაყიდა. ამის შესახებ AS-ი იუწყება.

“იოზილის წასვლა ჩემთვის ძალიან ცუდი ამბავია. მას ჩემი თამაში და მოქმედებები ყველაზე კარგად ესმოდა. ვერ ვხვდები, რატომ გაყიდა “რეალმა” ეს ფეხბურთელი, რომელსაც მარტოს შეეძლო მატჩის ბედის გადაწყვეტა. ამ ტრანსფერმა ძალიან გამაღიზიანა. დარწმუნებული ვარ, იოზილი საუკეთესო “ათიანი” იყო “რეალისთვის”, - განაცხადა პორტუგალიელმა.

შეგახსენებთ, რომ “არსენალმა” იოზილი სატრანსფერო ფანჯრის დასკვნით დღეს შეიძინა.