ბრაზილიის ნაკრების ყოფილი თავდამსხმელი რონალდო ტურინში ჩავიდა და “იუვენტუსის” მუზეუმი დაათვალიერა. იტალიური სპორტული გამოცემების ცნობით, სახელოვანი ფეხბურთელის ვიზიტის მთავარი მიზეზი ამ ზაფხულს ბრაზილიაში ჩასატარებელი კონფედერაციის თასის გათამაშების სამზადისია.
რონალდო მომავალი ტურნირის და ასევე 2014 წლის ბრაზილიური მსოფლიოს ჩემპიონატის საორგანიზაციო კომიტეტის წევრია.
აქტიური ფეხბურთელობისას მან იტალიურ კლუბებში “ინტერსა” და “მილანშიც” ითამაშა. “ნერაძურის” შემადგენლობაში 1997-98 წლების სეზონში უეფას თასი აქვს მოგებული.
