დიდია ალბათობა იმისა, რომ “ატლეტიკო მინეიროს” ვარსკვლავი რონალდინიო კარიერის გასაგრძელებლად თურქულ “ბეშიქთაშში” გადაბარგდეს. Milliyet-ის ცნობით, 33 წლის ბრაზილიელის აგენტი რობერტო დე ასისი სტამბულში იმყოფებოდა და კლუბის ხელმძღვანელობასთან ფეხბურთელის პირადი კონტრაქტის დეტალები შეათანხმა.
ჯერჯერობით, მხარეები ოფიციალური კომენტარისგან თავს იკავებენ, მაგრამ თუკი ყველაფერი გეგმაზომიერად წარიმართება, რონალდინიო ევროპაში დაბრუნდება.
აღსანიშნავია, რომ გასულ კვირაში, რონალდინიო ფეხბურთის ისტორიაში ახალი რეკორდით შევიდა. ის პირველი ფეხბურთელია, ვინც ლიბერტადორესის თასი, ჩემპიონთა ლიგა, მსოფლიოს ჩემპიონატი და “ოქროს ბურთი” მოიგო.
