"ლივერპულის" მთავარმა მწვრთნელმა, ბრენდან როჯერსმა, იტალიის ეროვნული ნაკრების და "მილანის" თავდამსხმელის შესაძლო ტრანსფერზე კომენტარი გააკეთა.
"კატეგორიულად ვამბობ, რომ ბალოტელი "ლივერპულს" არ შეუერთდება. იტალიელის შესახებ კითხვა დამისვეს და მეც ვუპასუხე, რომ ბალოტელი შესანიშნავი ფეხბურთელია, მაგრამ "მილანისთვის". იგი შევაქე და ეს იმას არ ნიშნავს, რომ ჩვენ მის ტრანსფერს განვახორციელებთ." _ განაცხადა მერსესაიდელთა თავკაცმა.
შეგახსენებთ, რომ ბოლო დროს, როგორც იტალიური, ასევე ბრიტანული პრესა, მარიო ბალოტელის "ლივერპულს" აქტიურად უკავშირებდნენ და აღნიშნავდნენ, რომ ტრანსფერის განხორციელება მოხდებოდა.
გიორგი ბალახაძე
