“ლივერპულის” მთავარ მწვრთნელს, ბრენდან როჯერსს მიაჩნია, რომ “მანჩესტერ იუნაიტედის” ახალ დამრიგებელს, ლუი ვან გაალს, ინგლისურ ფეხბურთში არსებული კონკურენცია გააკვირვებს.

“ვფიქრობ, ვან გაალი ინგლისში ისეთ კონკურენციას წააწყდება, როგორიც მას არასდროს უნახავს. სხვა ჩემპიონატებში ერთი ან ორი ძლიერი გუნდია, რომლებისგანაც ყველა მოგებას ელის. ინგლისში, საუკეთესო გუნდმა, შესაძლოა, ქულები ყველაზე სუსტთან დაკარგოს. სხვა ჩემპიონატებში მსგავს რამეს ვერ ნახავთ. მიმაჩნია, რომ პრემიერლიგის დონე ვან გაალს სერიოზულად გააკვირვებს. უცხოელი მწვრთნელები ამას ყოველთვის აღნიშნავენ.

ვან გაალის თაყვანისმცემელი ყოველთვის ვიყავი. ის ძალიან გამოცდილი მწვრთნელი და ბრწყინვალე მენეჯერია, რომელსაც არაერთ დიდ კლუბში უმუშავია. როდესაც მწვრთნელი ხდები, მალევე ამჩნევ იმ ადამიანებს, რომლებსაც თავიანთი ხედვა და ფილოსოფია აქვთ. ვან გაალი ერთ-ერთი მათგანია.” – აცხადებს როჯერსი, რომლის “ლივერპულმა”, აშშ-ში გამართული ამხანაგური ტურნირის ფინალში, სწორედ ვან გაალის “მანჩესტერთან” წააგო, ანგარიშით 1:3.