"ლივერპულის" მთავარი მწვრთნელი ბრენდან როჯერსი თავის შეგირდებს ურჩევს, რომ არ დაივიწყონ ბრწყინვალე სეზონი და "ჩელსისთან" წაგებით არ დაითრგუნონ.
"მინდა შევახსენო ჩემს ფეხბურთელებს თუ რა ბრწყინვალედ თამაშობენ. ჩვენ ნაყოფიერი სეზონი გამოგვივიდა და ამით ვამაყობ. "ჩელსისთან" წაგება დავიწყებას უნდა მიეცეს და წარმატებული სვლა უნდა გავაგრძელოთ." _ განაცხადა როჯერსმა.
"ლივერპულის" მწვრთნელი აგრეთვე აღნიშნავს, რომ გუნდმა გულშემატკივრების იმედები გაამართლა.
"სეზონის სტარტზე გულშემატკივრები ჩვენგან საუკეთესო ოთხეულში მოხვედრას ელოდნენ. ჩვენ გამოწვევები მივიღეთ და საუკეთესო სამეულში უკვე ვიმყოფებით, ჩემი ფეხბურთელების თამაშით აღფრთოვანებული ვარ."
შეგახსენებთ, რომ "მერსესაიდელები" პრემიერლიგის დარჩენილ ორ ტურში "კრისტალ პალასის" და "ნიუკასლის" წინააღმდეგ ითამაშებენ.
გიორგი ბალახაძე
