“ლივერპულის” მთავარი მწვრთნელი ბრენდან როჯერსი, მიმდინარე სეზონის დასრულების შემდეგ კლუბთან ახალ, ხანგრძლივ დროზე გათვლილ კონტრაქტს გააფორმებს.

The Guardian-ი 41 წლის სპეციალისტის სიტყვებსაც ავრცელებს: “არ არსებობს არანაირი პრობლემა და დარწმუნებული ვარ, რომ ახალ კონტრაქტზე შევთანხმდებით”.

მიმდინარე სეზონში მერსისაიდელებმა უდიდესი პროგრესი განიცადეს და 35 თამაშის შემდეგ პრემიერლიგის სატურნირო ცხრილის სათავეში არიან. აღსანიშნავია, რომ “ლივერპულს” ჩემპიონობის ასეთი რეალური შანსი 1990 წლის შემდეგ არ ჰქონია.

როჯერსის მოქმედ კონტრაქტს ვადა 14 თვეში ეწურება და რაღა თქმა უნდა, ახალი შეთანხმების თანახმად, მისი პირობები მკვეთრად გაუმჯობესდება.