“მილანის” ბრაზილიელმა შემტევმა, რობინიომ იტალიურ კლუბთან ახალი ხელშეკრულება გააფორმა.

ბოლო დროს ცნობილი იყო, რომ 29 წლის სამხრეთ ამერიკელი მშობლიურ “სანტოსში” დაბრუნების საკითხს განიხილავდა, მაგრამ როგორც გაირკვა, ბრაზილიურმა კლუბმა მისი ფინანსური მოთხოვნები ვერ დააკმაყოფილა.

“მილანის” ოფიციალური ვებგვერდის ცნობით, რობინიოსთან ახალი, 3-წლიანი კონტრაქტი გაფორმდა.

რობინიო “მილანში” 2010 წელს გადავიდა. “როსონერის” მაისურით 3 წლის განმავლობაში ჩატარებულ 112 თამაშში მან მეტოქეთა კარი 27-ჯერ აიღო.